Æðislegur dagur í dag þar sem ég er komin með vinnuna í Ogvodafone og mun því vera þar í allt sumar og í hlutastarfi í haust  Þokkaleg byrjendalaun og jafnaðarkaupið þarna er betra en yfirvinnan hjá Ítalíu svo ég mun hætta þar eftir 19.apríl. Á eftir að sakna ýmissa hluta þar en fegin að fara að prófa eitthvað nýtt og hætta í kvöldvinnu, komin með nett leið á að vera að vinna til 12 á kvöldin. Ég byrja þarna í enda maí. En prófunum lýkur 15.maí. Get ekki beðið.
Annars komu nokkrir vel hressir flugmenn á Ítalíu í gær og var bara mjög gaman að þjóna þeim, húmor en samt kurteisir. Þeir munu dvelja hér á landi næstu 6 mánuði þar sem þeir eru að vinna hjá Iceland Express og einn þeirra spurði af hverju ég kæmi ekki bara til þeirra að vinna  Tveir af þeim eru frá einhverri eyju í Karabíska hafinu og sögðu mér að endilega kíkja í heimsókn, hefði nú ekkert á móti því að skella mér til einhverra af þessu eyjum þarna, en að kíkja til þeirra er annað mál. Annars þá spurðu þeir mig að svolitlu sem mér finnst svo fáránlegt en fyndið. Þeir spurðu hvort ég og Fabio, annar eigandinn og pizzubakari, værum skyld því það væri svipur með okkur  En hann er fimmtugur Ítali og ég 22.ára Íslendingur og ljóshærð í þokkabót !! Gaman að þessu. Svo vildu þeir meina að ég líktist einhverri sem þeir þekktu og vorum mikið að velta sér uppúr því, og auðvitað var þá tekin mynd af mér !! Aldrei tek ég myndir af þeim sem þjónar mér þegar ég er í útlöndum hehe....En svona erum við greinilega æðislega við íslensku stelpurnar.

Við Biggi kíktum á íbúð í gær, en núna erum við að skoða á fullu þar sem við förum von bráðar að festa kaup á einu stykki. Við erum að leita eftir ljótri íbúð sem þarf að laga, ég meina ég er með smið, held að það komi ekkert annað til greina en að hann vilji gera íbúðina upp eftir sínu höfði, ég fæ bara herbergi þarna  Segi svona, ég fæ nú alveg að segja mitt álit, vona ég  En það verður bara gaman að geta breytt til og haft hana eins og maður sjálfur vill. En við erum aðallega að leitast eftir í Grafarvogi eða jafnvel Selásnum í Árbæ, en þá er ég aðallega að tala um blokkirnar með útsýni yfir Rauðavatn. Erum núna einmitt bara að bíða eftir greiðslumatinu...Allir að *krossafingur* fyrir okkur hehe. Væri til í að flytja í sumar en það getur vel verið að við bíðum með það þangað til í ágúst svo við getum safnað meiri pening í sumar. Það styttist allaveganna í þetta !!! Can't Wait

Jæja, ætla að fara að gera eitthvað að viti, en er að fara að vinna í kvöld og annað kvöld. Svo er það bara Laugar á föstudaginn með staffinu en við ætlum að tjilla í baðstofunni þar og fáum að borða eitthvað gott einnig. Svo er það djamm um kvöldið og frítt áfengi handa þessum fyllibyttum

Símamærin kveður
-Íris Thelma-